Hākinakina

“Me tupu ngatahi te pakari o te tinana me te pakari o te hinengaro”, no reira i mana nui ai ngā mahi hākinakina o te kura. Ā, kaore he hakinakina i kō atu i te poitukohu mo Te Kura Kokiri, i te mea koia rawa te tino hākinakina e noho kotahi ai te tima. Na, kua tino aro te kura ki tēnei hākinakina no tona timatanga rā anō. Ā, kua tini hoki ngā hua,


• Kua toa i te whakataetae Kura Tuarua o Tauranga

• Kua toa i te wiki hākinakina mo ngā Wharekura aho matua

• Kua whakawhiwhia ki te tūranga Tuatoru ki ngā whakataetae a motu

• Ā, kua puta hoki ētahi i Aotearoa takaro ai ki Ahitereiria, ki hea ake hoki


Na, inaianei ki te rangona te ingoa o Te Kura Kokiri ki te kōti poitūkohu, kua wehi nei te hoariri. Tua atu i tēra, he nui anō ngā hākinakina e takaro ai ngā tamariki o te kura.


• He Poitarawhiti

• He Whutupaoro

• He hoe Waka Ama

• He Pa Whutupaoro

• He Poiwhana

• He Ki-o-Rahi

• He Tapuwae

• He Kaiaka


Ā, he kura tautoko mātou i ngā hākinakina katoa, no reira kia wātea mai he kaiako, ka wātea mai ngā hākinakina katoa hei takarohanga.