Hāpori

I tēnei wā kei te takiwā o Te Tehe te kura e noho ana. Kei raro i ngā manaakitanga o Ngāti Pukenga, nā rātou te mana whenua. No konā, he tini tonu ngā wā e hono tahi ai te kura me ētahi atu nō te hāpori. Ka tika pea te kii ake, he kanohi kitea ēnei mo runga i ngā marae e tata nei ki te kura, nā, ko Te Whetu o Te Rangi, ko Tahuwhakatiki, ko Tamapahore.

Heoi, he nui tonu ta mātou ngana kia hoki ake ki te pū o te pā harakeke, ki Te Puna, ki Te Whakamārama, ki Raropua, ki Pēterehema. Hei hāpai ake i ngā kaupapa o te iwi i te wāhi i ruia ai te kākano, ka tika kia whakamānawatia te hononga ki reira.

Ka mutu, he wāhanga nui o te āronga o te kura kia pai ai tā mātou manaaki i ngā kaupapa katoa o te moana e tika ana. Ko ngā hui nui ā ngā iwi o te moana tonu tērā, hei hāpai ake pea i ngā marae, i ngā Kohanga, i ngā kura, i ngā rūnanga, puta noa. Ahakoa kei hea mai, kia Māori te kaupapa, kua tautokona e te kura. Ānei ētahi whārangi ipurangi o ētahi roopu whakahaere nō te hāpori.

http://www.temanutoroa.org.nz/

http://www.ranginui.co.nz/

http://ngaiterangi.org.nz/

http://ngatipukenga.co.nz/

http://www.facebook.com/tauranga.moana